12 желтоқсан күні «Nur Otan» партиясы Казталов аудандық филиалы атынан аудандық мәслихат депутаттығына үміткерлер Қайрат Жакупов, Мирлан Құсайынов, Сайда Сейтжанова, Гүлдана Даулетова С.Садықов атындағы мәдени-демалыс орталығында Казталов ауылдық округінің тұрғындарына үгіт-насихат жұмыстарын жүргізді.
Үміткерлер сайлау науқанының еліміздің болашағы үшін маңызды екенін ескеріп, «Nur Otan» партиясының осы уақытқа дейінгі атқарған жұмыстарымен таныстыра отырып, алдағы сайлауда партияны қолдауға шақырды.
Үгіт-насихат жұмыстарының басты бағыты «Nur Otan» партиясының алдағы бес жылдыққа арналған бағдарламасын кеңінен насихаттауға бағытталды. Сонымен қатар үміткерлер өздерінің сайлауалды бағдарламаларында көрсетілген бағыттар бойынша да түсіндіру жұмыстарын жүргізді.
Үгіт-насихат жұмыстары барысында тұрғындар үміткерлерге көкейлеріндегі сауалдарын қойып тиісті жауаптарын алды.
Асылбек Нәсіпқали,
Казталов ауданы
