«Қаратөбе» спорт клубының ұйымдастыруымен кермеге тартылу және қолды бүгіп жазу (брусия) спорт түрлері бойынша аудандық оқушылар және ауыл жастарының арасында жарыс өтті.
Нашақорлықтың алдын алу мақсатында өткен жарысқа Аққозы, Саралжын, Қаракөл, Сулыкөл ауылдық округтерінен 15-ке жуық спортшы қатысты.
Жарыста «Қаратөбе» спорт клубының директоры Екпін Тналиев сөз сөйлеп, жарысқа қатысушыларға сәттілік тіледі.
Жарыс қорытындысында кермеге тартылудан 18 жастан төмен спортшылар арасында І орынды Тоқтар Қадіржан (Қарақамыс ауылы), ІІ орынды Досым Рүстем (Қалдығайты ауылы), ІІІ орынды Дәулет Құрметқалиев (Қалдығайты ауылы) иеленсе, 18 жастан жоғары спортшылар арасында І орынға Медет Дүйсеғалиев (Қарақамыс ауылы) ие болса, ІІ орын Ермахан Сисенге (Ақтайсай ауылы) бұйырды. Ал ІІІ орынды Саламат Қоңқабаев (Қоржын ауылы) жеңіп алды.
Қолды бүгіп жазу (брусия) бойынша 18 жасқа дейінгі спортшылар арасында І орын Дәулет Құрметқалиев (Қалдығайты ауылы), ІІ орын Тоқтар Қадіржан (Қарақамыс ауылы), ІІІ орын Рысбек Жұмаға (Қарақамыс ауылы) бұйырып, жүлделі орындарды өзара бөлісті.
Қолды бүгіп жазудан 18 жастан жоғары қатысушылар арасында І орынды Медет Дүйсеғалиев (Қарақамыс ауылы), ІІ орынды Ермахан Сисен (Ақтайсай ауылы), ІІІ орынды Саламат Қоңқабаев (Аққозы ауылы) жеңіп алды.
Райымбек Абайұлы,
Қаратөбе ауданы
zhaikpress.kz
