Бүгін аудан әкімі Асланбек Сарқұлов «Ауыл айнасы» аудандық қоғамдық-саяси газетінің ұжымы мен ардагерлерді, қоғамдық тілшілерді қабылдады. Бұқаралық ақпарат құралдары қызметкерлері күніне орай ұйымдастырылған қабылдауда аудан журналистикасының өткені мен бүгіні талқыланып, қаламы қарымды сала ардагерлері мен тілшілер марапатталды.
Аудан әкімі Асланбек Ахметоллаұлы газет ұжымы мен сала ардагерлерін құттықтап, жылы лебізін білдірді. Жиында сала ардагерлері мен қоғамдық тілшілер Рабиға Құлқайырқызы, Гүлнәр Сүйешқызы, Фатиха Дәулетова, Ақмарал Ибатқызы, Алтын Набидоллақызы қызықты сәттерімен бөлісті. Мерекелік қабылдауда Райбиға Құлқайырқызы, Ақмарал Ибатқызы және «Ауыл айнасы» аудандық қоғамдық-саяси газетінің І санатты тілшісі Жансая Жұмажанқызы аудан әкімінің алғыс хатына ие болды.
Қабылдауда аудандағы журналистика саласын дамытуға, тарих пен әдебиетті түгендеуге қатысты бірқатар ұсыныстар айтылды. Аудан әкімі ұсыныстарды назарға алатындығын жеткізіп, газет ұжымының жұмысына сәттілік тіледі.
Асылбек Нәсіпқали,
Казталов ауданы
zhaikpress.kz
