Сырым аудандық білім беру қызметкерлері кәсіподағының ұйымдастыруымен бастауыш кәсіподақ қызметкерлері арасында аудандық «Қадыр оқулары» байқауы өтті. Байқауда 20 бастауыш кәсіподақ ұйымынан 45 қызметкер, яғни, аудан мектептерінің педагогтары мен кіші қызметкерлері бақ сынады.
Шараның ашылуында аудандық білім беру бөлімінің басшысы Әділ Ахмет қатысты.
Ақын өлеңдерін мәнерлеп оқитын «Сөздің бәрі құдіретті...» бөлімі бойынша бас жүлдені — Ш.Ажигалиева (Ж. Досмұхамедов атындағы ОМББК), «Қуып шығар қызыл сөзді ой кейін...» бөлімі бойынша бас жүлдені С.А.Каримов (Абай ОМББК), «Кейбір жырым дән ұшырып қырмаңда, Кейбір жырым бақташы боп жүр маңда...» бөлімі бойынша бас жүлдені — А.С.Серікқали (А.Жұмағалиев атындағы ОМ) иеленді.
Барлық қатысушыларға алғысхат және қаржылай сыйақы берілді.
Ләззат Тапаева,
Сырым аудандық білім беру қызметкерлері кәсіподағының төрайымы
