Бұл жөнінде бүгін Казталов ауданына жұмыссапарымен келген Батыс Қазақстан облыстық аумақтық сайлау комиссиясының төрағасы Әділ Жоламанов айтты.
Ауданға Әділ Тауфиқұлымен бірген облыстық аумақтық сайлау комиссиясының мүшелері Райымбек Нүрекешов пен Фархад Хайретдинов бірге келді.
Алдымен облыстық аумақтық сайлау комиссиясының төрағасы Казталов аудандық аумақтық сайлау комиссиясы мүшелері отыратын офиске соғып, сайлау комиссиясының материалдық базасымен танысты.
Бұдан кейін Әділ Тауфиқұлы Казталов ауданында жаңадан жасақталған аудандық аумақты сайлау комиссиясы мүшелерімен кездесті.
Кездесуде аудандағы сайлау комиссияларының материалдық базасы талқыланып, комиссия мүшелері өздерінің ұсыныстарын айтты.
— Біздің сапарға шыққан мақсатымыз — сайлау комиссияларының материалдық жағдайын білу және комиссиялардың жаңа құрамымен танысу. Әр ауданда жағдай әр түрлі. Алдағы уақытта сайлау комиссияларының базасын нығайтумыз керек, - деді Әділ Жоламанов.
Нұр Рахман,
Казталов ауданы
zhaikpress.kz
