Бүгін "Шыңғырлау жастары" ЖҚБ-ның ұйымдастыруымен дене шынықтыру-сауықтыру кешенінде «Толағай» отбасылар сайысы өтті.
Отбасы күніне орай өткен жарыста 5 отбасы қатысып, 6 кезең бойынша бақ сынасты.
Сайыс ата-аналарды қатыстыра отырып, баланы өмірде белсенді болуға, қимыл қозғалыс қабілеттерін дамыту, шапшаңдыққа, төзімділікке тәрбиелеу арқылы салауатты өмір салтын ұстану мақсатында ұйымдастырылды.
Жарыс нәтижесінде І орынды "Қыран" тобы Жубаниязовтар отбасы жеңіп алды. ІІ орынға "Дарабоз" тобы Бекбергеновтер отбасы лайық деп танылды. Ал үшінші орынға «Тұлпар» тобы Жүпиевтер отбасы табан тіреді. Сондай-ақ Мукашевтар мен Саматовтар отбасылары жарыста белсенділік танытқандары үшін ынталандыру сыйлықтарына ие болды.
Барлық қатысушыларға ұйымдастырушылардың атынан дипломдар мен бағалы сыйлықтар табысталды.
Б.Баймағамбетова,
Шыңғырлау ауданы
zhaikpress.kz
