Бұл туралы Сырым ауданының әкімі Төлеген Серікқалиұлы айтты. Есептік кездесуге облыс әкімінің бірінші орынбасары Ғали Есқалиев қатысуда.
-Былтыр Бұлдырты ауылының ауыз сумен қамту жүйесі жаңғыртылды. Биыл Қосарал, Жетікөл, Аңқаты, Тоғанас, Құспанкөл елді мекендерінің ауыз су желісін қайта жаңғырту жұмысы жүргізіледі.
Жымпиты-Кеңащы топтама су құбыры құрылысының жобалық құжаты дайындалды. Жоба құны - 2,4 млрд теңге. Бұл жоба жүзеге асқан соң, жер асты су қоры аз 5 елді мекен, Шағырлой, Қособа, Жырақұдық, Бұлан, Жамбылға таза су желісін тартуға жобалық құжат жасалады.
Биыл аудандық бюджеттен бөлінген 13 млн. теңгеге 4 ұңғыма қазу жұмысы жүргізілетін болады, -деді аудан әкімі.
Шынар Молданиязова,
Сырым ауданы
© zhaikpress.kz
Батыс Қазақстанның маңызды жаңалықтарын біздің Instagram және Telegram парақшамыздан алғашқы болып біліңіздер
