Қаламыздағы «Қарашығанақ» спорт кешенінде әз-Наурыз мерекесіне арналған спорттық іс-шаралар өтті. Бұл шара былтыр да өткен болатын. Алдағы жылдары да ұйымдастырылып, Наурыз мерекесі қарсаңында өтетін ұлттық ойындардың дәстүрлі жарысы болады дейді шара ұйымдастырушылары. Шараға «Қарашығанақ» спорт кешенінің оқушыларымен қатар «Бөрлі» БЖСМ-нің оқушылары да қатысты. Жарыстарға қатысу үшін жиналған балаларға спорттық кешеннің қызметкерлері наурыз көже және бауырсақтар ұсынды.
-Ұлыстың Ұлы күні - Наурыз мерекесі қарсаңында балалар-жасөспірімдер спорт мектебі бөлімдерінің оқушылары арасындағы ұлттық спорт түрлерінен өтетін сайысқа қош келдіңіздер. Шарамыздың мақсаты наурыз мерекесін тойлау, ұлттық спорт түрлерін жасөспірімдер арасында кеңінен дамыту. Жарысқа қатысушылардың бәріне сәттілік. Спорттық шарамыз жоғарғы деңгейде өтеді деп сенемін, - деді «Ақсай» мәдени-бұқаралық, ұлттық ат спорт кешенінің директоры Бауыржан Мухтубаев өз сөзінде.
Мерекелік кеш барысында ауданымыздағы БЖСМ-нің Қазақстан Республикасы чемпионатының жеңімпаздары мен жүлдегерлерін марапаттады. Әр түрлі спорт түрлерінің жүлдегерлері Жанерке Тудахунова, Мадина Жақсылықова, Азария Хамидуллина, Айкөркем Иосифова, Алихан Кушевтарды БҚО дене шынықтыру және спорт басқармасының басшысы Қаймен Есендияровтың алғысхатымен және арнайы сыйлықтармен марапатталды.
Мерекелік спорттық шараға қатысушы балалар асық, бес асық, ләңгі, арқан тартыс және тағы басқа спорттық ойындардан жарыстарға қатысып, «Ақсай» мәдени-бұқаралық, ұлттық ат спорт кешенінің медальдары мен ақшалай сыйлықтарға ие болды.
Айдана Абдрахманова,
Бөрлі ауданы
zhaikpress.kz
7.05.2023, 22:36
22.04.2023, 16:15
23.03.2023, 23:45
23.03.2023, 23:41
