Заңсыз қару сақтау - біріншіден қылмыс, екіншіден қауіп. Не істеу керек?
Сырым аудандық полиция бөлімі ҚР ішкі істер министрлігінің 2015 жылғы 27 наурыздағы №266 бұйрығымен бекітілген заңсыз (тіркеусіз) сақталған атыс қаруын, оқ-дәріні және жарылғыш заттарды ерікті әрі өтемді түрде тапсыру қағидаларына сәйкес ел бойынша акция жарияланды деп хабарлайды. Акция сәуір айының 25-інен бастап ерекше өкімге дейін жалғасады.
Суреттің дереккөзі: egemen.kz
Тұрғындардан заңсыз сақталудағы қару-жарақты сатып алу ҚР Үкіметінің 2007 жылғы 26 желтоқсандағы №1299 қаулысымен бекітілген ереже негізінде жүзеге асырылады.
-Заңсыз сақталған, тіркеусіз қару-жарақты тапсырғаны үшін тұрғындарға ақшалай сыйақы қарастырылған. Осы мәселе бойынша Сырым ауданының полиция бөліміне келіп жолыға алады, – дейді Сырым аудандық полиция бөлімінің азаматтық және қызметтік қару айналымын бақылау инспекторы, полиция майоры Ш.Жасталапова.
«Сырым елі»
