Биыл Қазақстан Республикасының Тәуелсіздігіне 30 жыл толуына орай аудандық мәдениет үйінде Қарағаш және Алмаз ауылдық округтері көркемөнерпаздарының қатысуымен «Тәуелсіздікке тарту» атты концерт болып өтті.
Көрермендер алдымен үлкен экраннан қос округтің жетістіктерін насихаттаған бейнебаянды тамашалады.
Концерттік бағдарламада жырдан шашу шашып, әннен алқа таққан ауыл өнерпаздары көпшілік қошеметіне бөленді.
Концерт соңында мәдениет, тілдерді дамыту, дене шынықтыру және спорт бөлімінің басшысы Ө.Бекениязов сахнаның шырайын келтіріп, өздерінің ерекше өнерлерімен көпшілікке тамаша көңіл-күй сыйлаған Алмаз және Қарағаш округтерінің көркемөнерпаздарына ризашылығын білдіріп, аудан әкімі Ә.Мұханбетжанованың атынан алғыс хат табыс етті.
Б.Баймағамбетова,
Шыңғырлау ауданы,
zhaikpress.kz
