БҚО ІІД-де айыппұлдары бар борышкерлердің автомашиналарын анықтайтын 2 жылжымалы және 2 стационарлық «АвтоУраган» кешені қызмет етеді.
Жыл басынан бері Батыс Қазақстан облысы Әкімшілік полиция басқармасының қызметкерлері жеке сот орындаушыларымен бірге айыппұл төлеуден жалтарып жүргендерді анықтау бойынша рейдтік іс-шара өткізуде.
Бірлескен жұмыс нәтижесі бойынша 282 автокөлік иесі ұсталды, олардың жалпы сомасы 5 млн. 832 мың 802 теңге берешектері бар болып шықты.
Аталған көлік иелерінің көлік құралдары ҚР ҚК-нің 797-бабы, яғни, «Көлiк құралын ұстап алу, жеткiзу және пайдалануға тыйым салу» бойынша ұстау себебі анықталғанға дейін айыппұл тұрағына қойылды.
Іс-шара барысында 1 млн. 021 мың 278 теңге өндірілді.
Бұл бағыттағы жұмыс әлі де жалғасуда.
БҚО ІІД Әкімшілік
полициясы басқармасы
