Жәнібек ауданындағы шаруа қожалықтары мал су ішетін құдық қаздыру, бұрынғы құлап қалған құдықтарды қалпына келтіру жұмыстарын жандандыруды қолға алуда.
Аудандық жер қатынастары және ауыл шаруашылық бөлімінен алынған мәліметке сүйенсек, өткен жылы және биыл 28 құдық бұрғыланған. Осы құдықтардың 20-сын көршілес Ресейден келген бригадалар бұрғыласа, қалған 8-ін Орал қаласындағы «Жайықгидрогеология» және «Атыраугеология» мекемелеріндегі құдықшылар бригадасы бұрғылаған. Құдық қаздырған шаруа қожалықтары демеуқаржымен қамтылуда.
Н.Өтей