Зеленов ауданында «Достық» демалыс лагері салтанатты түрде ашылды. Осынау шараға арнайы келген аудан әкімінің орынбасары Амангелді Тоғызбаев барлық демалушы бүлдіршіндерге демалыстарыңызды сәтті өткізіп, осы жерде танысқан жаңа достарыңызбен қарым-қатынастары үзілмей, достықтарың ұзақ болсын деген тілегін білдірген соң ортаға ертегі кейіпкерлері келіп, балаларға тамаша көрініс көрсетіп, қызықты жұмбақтар жасырды. Биыл маусым айының 15-сі мен тамыз айының 15-не дейін жұмыс жасайтын лагерь 7 ауысымда ауданның барлық округтерінен келген 270 баланы қабылдайтын болады.
«Бұл демалыс орнында балалар тек іштегі ойын-сауық ойындарына қатысып қана қоймайды. Табиғат аясына да шығарамыз, ауламызға жаңа бассейін орнаттық сонда шомылатын болады. Сондай-ақ Орал қаласы мен аудан орталығындағы кинотеатрға апару да жоспарымызда бар»,-дейді аудандық экология және туризм орталығының басшысы Галина Терехова.
Түгелбай Бисенов
Зеленов ауданы