9 маусым күні Қазталов аудандық ішкі саясат бөлімі және жастармен жұмыс жөніндегі ресурстық орталығының ұйымдастыруымен «Экстремизм мен терроризмге қарсы күрес – баршаның міндеті» тақырыбында дөңгелек үстел оздырылды.
Дөңгелек үстел басында сөз алған аудандық «Нұр Отан» партиясы филиалының төрағасының бірінші орынбасары Марат Тоясов:
-Барша қазақстандықтар үшін ең қасиетті құндылық саналатын тәуелсіздік, саяси тұрақтылық пен қоғамдық келісім, еліміздің өсіп-өркендеуі мен гүлденуіне бағытталған саясатының берік іргетасы екендігін әрқашан ұмытпауымыз керек,- десе, аудандық ардагерлер кеңесінің төрағасы Уәлиолла Әбішев:
-Лаңкес жасайтындарда ешқашан ұлттық та, діни сенім де болмаған. Олар өздерінің қанды әрекеттерін жалған діни ұрандармен ақтағысы келеді. Сондықтан мұндай дінімізге үш қайнаса сорпасы қосылмайтын әрекеттерді батыл айыптауымыз қажет,- деді.
Сондай-ақ еңбек ардагері Теміртай Нұғманов, аудандық мәслихат депутаты Гүлфия Көшбаева жастардың теріс ағымдарға ілеспеуі үшін оларды неғұрлым жұмысқа тарту, бос уақыттарын тиімді өткізу қажеттігіне тоқталып өтті.
www.zhaikpress.kz
Гауhар ҚҰРМАНҒАЗИЕВА
Қазталов ауданы
