Жаңақала аудандық мәдениет үйінде ҚР Тәуелсіздігінің 25 жылдығына және жастардың уақытын тиімді ұйымдастыру мақсатында "Тәуелсіздіктің құрдастары" атты мәдени шара өтті.
Шараның ашып, сөз алған аудандық мәдениет, тілдерді дамыту, дене шынықтыру және спорт бөлімінің басшысы Б.Қарағойшин, аудандық мәдениет үйінің директоры Арна Мүбарак шараның мән-маңызына тоқталып, жастарды өткен жылғы мерекелердің жарасымды жалғасы ҚР Тәуелсіздігінің 25 жылдығын аудан көлемінде лайықты атап өтуге шақырды.
Одан әрі әр салада табысты еңбек етіп жатқан тәуелсіздіктің құрдастарымен ашық та әсерлі сыр-сұқбат ұйымдастырылып, ән-шашумен көмкерілді.
Шара соңы жастардың би кешіне ұласты.
Н.ЕСЕТОВА
Жаңақала ауданы
