Қаратөбе мектеп-гимназиясының базасында «Жасөспірімнің ҰБТ тапсыруға дайындығы кезінде ата-аналарға психологиялық көмек көрсету» тақырыбында бірыңғай ата-аналар конференциясы оздырылды.
Конференцияға аудан орталығындағы 3 мектептің 11-сынып оқушыларының ата-аналары, мектеп директорлары, мектеп психологтары қатысты. Конференцияның ашылу салтанатында аудандық білім беру бөлімінің әдіскері Арай Нұрсұлтанова, Қаратөбе мектеп-гимназиясының директоры Берікжан Ғарапшиев сөз сөйледі.
ҚР Білім және ғылым вице-министрі Тахир Балықбаевтың құттықтау хаты оқылды. Қатысушылар назарына «Менің әкем», «Ана туралы ғибратты сөздер» бейнекөрсетілімі ұсынылып, «Есімдер», «Сана ойындары» тренинг жаттығулары өткізілді.
Конференцияға қатысушы ата-аналар ойларын ортаға салып, өзара пікір бөлісті. Конференцияның қорытынды бөлімінде Отбасылық тәрбиелеу институтының директоры С.Евдокимованың бейнежазба түріндегі тілегі тыңдалынды.
Ертай БИМҰХАНОВ
Қаратөбе ауданы
