Жеңіс мерекесі қарсаңында Қаратөбе балалар мен жасөспірімдер спорт мектебінің директоры Дулат Қоламанов пен аталмыш мектептің, тәрбиеленушілері аудан орталығында тұратын соғыс ардагері Құрманғали Ысқақовтың үйінде болып, ардагерді Ұлы Жеңістің 71 жылдығы мерекесімен құттықтады.
Спорт мектебінің жаттықтырушылары мен тәрбиеленушілері қарияның отбасы шаруашылығына қол ұшын беріп, бау-бақша егілетін орындарды дайындауға көмектесті.
Өскелең ұрпақтың қамқорлық ізгі істеріне риза болған соғыс ардагері Құрманғали ақсақал оларға ақ батсын беріп, сәттіліктер тіледі. Мектеп директоры тәрбиеленушілерімен бірге Ұлы Отан соғысының ардагері Құрманғали қарияны орталарына алып естелік суретке түсті.
Ерболат РАЙСОВ
