Зеленов ауданында қазіргі уақытта 56 кітапхана халыққа қызмет етуде. Соның ішінде екеуінің модельді ауылдық кітапхана мәртебесі бар. Аудан бойынша 36 мәдени ошақ жұмыс жасап тұр. Атап айтар болсақ, 1 аудандық мәдениет үйі (Переметный ауылы), 2 ауылдық мәдениет үйі (Дарьинск, Калинин ауылы), 33 ауылдық клуб. Сонымен қатар, бір «Жеңіс» кинотеатры мен жеті киноқондырғылар бар.
Аталмыш 36 мәдени ошақтың 8-і бейімделген ғимаратта орналасса, ал 28-і типтік ғимаратта орын тепкен. 29 мәдениет ошақтарында газ құбыры өткізілген, 7 ауылдық клубы отпен жағылады. Бүгінгі күнде аудандық мәдени-демалыс орталығының 36 мәдениет мекемелерінде 204 клубтық құрылымдар / үйірмелер, көркемөнерпаздар ұжымдары, ұлттық- мәдени бірлестіктері/ қызмет атқарады. Оларға қатысушылар саны - 1370 адам.
Клубтық құрылымдардың ішінде 3 ұжымның «Халықтық» атағы бар. Тінін тарқаталық, «СКИФЫ» вокалдық аспаптар ансамблі (жетекшісі А.Ізмұханов), «Дарьюшка» би ұжымы (жетекшісі Л.Сгибнева), «Шежіре» фольклорлық ансамблі(жетекшісі А.Ғизатов). Ағымдағы жылы «Калинушка», «Достық-Дружба» ансамбльдері «Халықтық» аттаққа ұсынылғандығын айта кеткен жөн.
Ауданымыздың мәдени дамуын арттыру, өскелең ұрпақты ұлтжандылыққа тәрбиелеу, ұлттық өнерімізді дәріптеуде мәдениет, кітапхана қызметкерлерінің еңбегі ерен.
Айшабибі МӘМЕТ
Зеленов ауданы
