Сәуір айында сенімгерлік құқығымен «BANEM» компаниясына берілген «Ақжайық» стадионының жасанды төсеніші ауыстырылады деп хабарлады «Ақжайық» футбол клубының баспасөз қызметі.
«BANEM» компаниясы мамыр айында «Астана Спорт Строй и К» компаниясымен келісімге келді.
Қазіргі таңда «Ақжайық» стадионының төсенішін ауыстыруға қажетті барлық құжаттар реттелді. Шілде айының 1 күні стадион жөндеу жұмыстарына байланысты жабылады. Алаңға соңғы үлгідегі жасанды газон төселеді.
Сондай-ақ кәріз жүйесі ауыстырылып, суару жүйесі жөнделеді.
Айта кетейік, биылдан бастап «BANEM» компаниясы «Ақжайық» футбол клубының бас демеушісі.