Қала орталығындағы нағыз бір күрделі мəселелері қордаланған N9 сайлау округінде тұратын халықтың сеніміне ие болып, депутат болып сайланған Орал қалалық мəслихатының депутаты Жантас Сафуллин бір жылғы қызметі бойынша сайлаушыларының алдында қорытынды есебін берді.
Ел аманатын арқалаған азаматтың есептік кездесуіндегі айтылған мəліметтерге көз жүгіртіп, нақты сандармен өрнектеп көрейік.
1. Орал қаласының бюджеті өткен жылы үш рет нақтыланды. 2017 жылға бекітілген қала бюджеті 24 млрд. 419 млн. 870 мың теңгені құрады.
2. Қалалық мəслихатта төрт комиссия бар: 1) экономика, бюджет және қаржы, 2) индустриялық даму, инфрақұрылым және тұрғын үй-коммуналдық шаруашылық мәселелері, 3) әлеуметтік мәселелер және жастар істері, 4) нормативтік-құқықтық мәсеселер және жұртшылықпен байланыс жөнінде.
3. Есепті кезеңде депутатқа сайлаушылардан түрлі мəселелер бойынша жалпы саны 23 арыз-шағым түскен.
Оның 15-і "Нұр Отан" партиясының Орал қалалық филиалында өткізілген қоғамдық қабылдау барысында түсіпті.
Олардың ішінде 4 сайлаушы өз шағымдарын Whats app желісі бойынша берсе, 2 тұрғын өз өтінішін депутатқа тікелей жолдаса, тағы 2-еуі əлеуметтік желілерде көтерілген өзекті мəселелер бойынша қаралған.
23 сауал-шағымның 7-еуі оң шешімін тапқан, 7 мəселе əрі қарай шешімін табу үшін мемлекеттік органдарға жолданды.
9 мəселенің шешілуі мүмкін болмады. Өйткені олардың басым көпшілігі үй кезегі мен қаржылай көмек сұрағандар.
4. Сайлауалды бағдарламада көрсетілген міндеттерді орындау мақсатында мемлекеттік органдарға 14 сауал жолданды.
zhaikpress.kz
