Аудандық әскери комиссариат жанынан тәжік-ауған шекарасындағы әскери қақтығыстарға қатысушы Бәйтерек ауданының ардагерлеріне арнап баннер ашылды.
-Бүгінгі ардагерлерге арналған баннер өскелең ұрпақққа үлгі-өнеге көрсету үшін ашылуда. Олардың ел мен жерді қорғаудағы патриоттығы мен отаншылдығы, әскери антқа беріктігі көпке үлгі. Ауданымыздан тәжік-ауған шекарасындағы қақтығысқа тоғыз адам қатысты. Олардың төртеуі бұл жерге жиналды. Осы қақтығысқа қатысушы ардагерлер мамыр айында «Әскери ұрыс ардагері» статусын алды, - дейді «Әкелер кеңесі» республикалық қоғамдық бірлестігінің БҚО бойынша төрағасы Мырзағали Дүйсенбеев.
Атқарылар жұмыс ауқымды. Мұндай игілікті істер келешекте де жалғасын таппақ.
Нұрлыбек Қыдырғалиұлы,
Бәйтерек ауданы
zhaikpress.kz