19.04.2019, 11:05
Оқылды: 14

Бөрлі ауданының ашық лигасы мәреге жетті

Жастар жылына орай Бөрлі ауданында наурыз айында бастау алған жастар мен ересектер арасындағы волейболдан ауданның ашық лигасы мәреге жетті.

57160948_2614160091989897_3632557960271495168_n

         Сайысқа қатысқан 11 команда бір ай көлемінде әдемі ойын өрнегін көрсетіп, мықтылар анықталды. Жарыстың қорытындысы бойынша І орын Жарсуат ауылдық округінің еншісіне тиді. Екінші орынды №6 мектептің командасы қанжығаласа, «Ардагер Ақсай» командасы жүлделі үштікті аяқтады.

         Жарыс барасында Өмірзақ Атамбаев «Үздік байланыстырушы» атағын алса, «Үздік қорғаушы» атағы Марат Ергалиевке бұйырды. «Үздік ойыншыға» Руслан Мулдашев қол жеткізсе, Дидар Қажыгерей «Үздік шабуылшы» атанды.

         Жүлдегерлер жастар ресурстық орталығының атынан бағалы сыйлықтармен марапатталды. Жарысқа демеушілік танытқан «Бәйтерек» сауда үйінің басшылары Алмат Жұмабеков пен Айбек Омаровтың атынан ақшалай сыйлықтар да ұсынылды.

Мейрамбек Сыдықов,

Бөрлі ауданы

zhaikpress.kz

57196020_2614160398656533_855964235946000384_n 57407344_2614159488656624_4169807430688964608_n 57410771_2614159571989949_7207068535594418176_n

Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер

Узнайте первым о важных новостях Западного Казахстана на нашей странице
в Instagram и нашем Telegram - канале