- Сырым ауданында коронавирус індеті асқынуда. Жымпитыдағы провизорлық бөлімге медициналық аппарат пен дәрі - дәрмек керек! - дегенді естігенде әрекетке көшкен жақсы адамның бірі ақын Дәурен Шамұратов.
Ол лезде әлеуметтік желідегі оқырмандарына үндеу жариялап, жәрдемдесем дегендерге өзінің есепшотын ұсынды. Халық 3 күнде 400 мың теңге қаражат жинады.
Кеше волонтер ақын жанашыр жандардың аманатын Сырым аудандық орталық ауруханасының директоры Роза Тахамбетоваға қолма - қол тапсырды. Аурухана ол қаражатқа жетіспейтін антибиотиктерді сатып алып, провизорлық бөлімде және үйінде емделіп жатқан науқастарға пайдаланады.
Бауыржан ШИРМЕДИНҰЛЫ,
Сырым ауданы