Семей қаласында ұйымдастырылған «Дарынды балаға – талантты ұстаз» атты ХІІІ республикалық педагогикалық олимпиадасына Қаратөбе мектеп-гимназиясының математика пәнінің мұғалімі Жадыра Хабибуллина БҚО атынан бағын сынап, жүлделі ІІІ орынды иеленді.
Бұл байқауда қаратөбелік ұстаз «Математикалық сауаттылық есептері: логика мен өмірдегі қарапайым математика» тақырыбында және аталмыш тақырыпта бейнесабақтар дайындау арқылы мақсатқа жетудің тиімді әдіс-тәсілдері турасында жоба қорғады.
Айта кету керек, осы жобаның негізінде жасақталған «Пик формуласы» тақырыбындағы ғылыми жұмысты шәкірті Асылай Абдрахманова қорғап, республикалық кезеңнен ІІ орын алған болатын.
Қаратөбе мектеп-гимназиясы биылғы оқу жылын білімді де білікті ұстаздары мен дарынды да талапты шәкірттерінің жетістіктерімен табысты аяқтады.
Тоты ЕСҚАЙЫРОВА,
Қаратөбе ауданы
