Елбасының «Төртінші өнеркәсіптік революция жағдайындағы дамудың жаңа мүмкіндіктері» Жолдауындағы нұсқауларға сәйкес, мемлекеттік қызметтерді электрондық форматта көрсетуді халық арасында танымал ету мақсатында бүгін Қазталов ауданының Қошанкөл, Қараоба ауылдық округтерінде «Өз-өзіне қызмет көрсету бұрышы» іске қосылды.
Ашылу салтанатында аудан әкімі аппараты басшысы Айбек Исламбеков атап өткеніндей, жұртшылыққа қолайлы болу үшін республиканың барлық ХҚКО-да «Өз-өзіне қызмет көрсету бұрышы» жұмыс жасайды.
- 2013 жылы іске қосылған «Өз-өзіне қызмет көрсету жұмыс» жұмысының басты мақсаты – тұрғындардың ХҚКО-на келген кезде өз уақытын үнемдеу, яғни орталық қызметкерлерін күтпей-ақ өз бетімен қажетті құжаттарын алу. Электрондық үкімет порталының ең жиі пайдаланатын қызмет түрлері – жылжымайтын мүліктің бар-жоқтығы туралы, мекенжай, зейнетақы аударымы туралы және басқа да анықтамалар. Бұған дейін осы анықтамаларды алу үшін аудан орталығына баратын едіңіздер, енді, міне, ешқайда бармай-ақ осы бұрыштан жұмыстарыңызды тындырасыздар. Уақыттарыңызды үнемдеу үшін баршаңызды «Өз-өзіне қызмет көрсету бұрышын» тиімді пайдалануға шақырамын,- деді Айбек Жаншаұлы.
Гүлнұр ҚАЗБЕК
Қазталов ауданы
zhaikpress.kz
