Шыңғырлау ауданының Шыңғырлау мектебінің қазақ тілі мен әденбиеті пәнінің мұғалімі Самат Байболат 21-23 сәуір аралығында Шучинск қаласында өткен «Жаңа мектепке – жаңашыл ұстаз» атты ІІІ республикалық байқаудың бас жүлдесін жеңіп алды.
Барлығы 57 жас маман қатысқан байқауда «Үздік ашық сабақ», «Менің шығармашылық жолымның бастамасы», «Жаңа мектепке – жаңашыл ұстаз» атты кезеңдерден сүйрінбей өтіп үздік атанды.
- «Байқаудан алған әсерім ерекше. Өзінің мамандығын бар жанымен сүйетін, ұстаздық мамандыққа қалтқысыз қызмет етуге даяр небір жалынды жастармен танысудың, тәжірибе алмасудың сәті түскеніне қуандым. Тағы бір ерекше әсер еткені – жастардың зерттеушілікке ден қойып, ғылыммен айналысуға бет бұрғандықтары. Байқауға қатысушылардың бірі де осал емес. Әр облыстың үздіктері»,- дейді Самат Байболат.
Аман Ізмұхан,
Шыңғырлау ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
