Тасқала ауданы Достық аулында төтенше жағдай орын алды. Оған соңғы күндері болған ауа райының күрт бұзылуы себеп.
Аудандық ТЖБ басшысы М.Шәуеновтің хабарлауынша оқиға 14 қаңтар күні, сағат 10:05 те болған. 1986 жылы бой көтерген екі пәтерлі, бір қабатты үйдің шатыры құлап қалған.
Екі пәтерлі үйдің шатыры - 168 ш/м. Мамандардың сөзіне сүйенсек шатырдың құлауына төбеге түскен қардың дер кезінде тазаланбауы себеп болған. Үй иесі өзінің қателігін мойындап отыр.
-Екінші пәтердің иесі мезгілдік жұмыста болғандықтан үйіне кіре алмадық. Алайда мамандар пәтердің жан-жағын тексеріп, үйдің терезесінен қарап құлап жатқан дүниелер байқалмайтынын айтты. Зардап шеккендер жоқ,- дейді аудандық ТЖБ басшысы Мәди Тахирұлы.
Айым Руслан,
Тасқала ауданы
© zhaikpress.kz
Батыс Қазақстанның маңызды жаңалықтарын біздің Instagram және Telegram парақшамыздан алғашқы болып біліңіздер
