Жәнібек ауданы әкімдігінде аудан аумағында санитарлық-экологиялық айлығын өткізудің жай-жапсары қаралып, тыңдалды.
Жиында аудан әкімінің орынбасары Біржан Қуаналиев, аудан әкімінің қаулысына сай, елді мекендердің тазалығын қалыпты ұстау мақсатында биыл 1 сәуірден 31 мамыр аралығында аудан аумағында экологиялық айлық өткізілетінін, шараны өткізу жөнінде жұмыс тобы құрылып, іс-шаралар жасақталғанын баяндады.
Аудан әкімі аппаратының ұйымдастыру жұмыстары және мемлекеттік қызметтер мониторингі бөлімінің басшысы Жәнібек Кенжеғалиев аудан аумағында санитарлық-экологиялық айлықты өткізу жөніндегі аудандық жұмыс тобы мүшелерінің міндеттер бөлінісі және жауапты орындаушылар атқаратын жұмыстардың егжей-тегжейін айтып берді.
Жиынды қорытындылаған аудан әкімінің орынбасары Б.Қуаналиев аудан әкімінің тапсырмасы бойынша ауылдық округтердегі санитарлық тазалық жайын, жалпы, ауылдағы хал-ахуалды білу мақсатында айлықты өткізу жөніндегі аудандық жұмыс тобының мүшелері жуық арада ауылдарға шығып, ондағы жағдаймен танысып қайтуға міндетті екендіктерін мәлім етті.
Н.Есенғали
zhaikpress.kz
