Жымпитыдағы Қ.Мырзалиев атындағы орта мектептің 2008 жылғы түлектері де ел басына күн туғанда көмектен қашпауды жөн көріпті. Ойдағы-қырдағы, ауылдағы-қаладағы құрдастардың барлығы қаражат жинап, Ресейдің Самара қаласынан дәрі-дәрмек алдырып, кеше аудандық ауруханаға тапсырды.
«90-дардың» медициналық көмегінің ішінде халықтық сұраныстағы цефтриаксион, азитромицин, парацетамол, аспирин секілді препараттар бар.
- Жәрдем ретінде медициналық тауарлар, оның ішінде дәрі-дәрмектер аурухананың қоймасына қабылданып, кейін мобильді бригада арқылы науқастарға таратылуда. Халықтың көмегі халыққа жетіп жатыр. – дейді ауданның бас дәрігері Роза Тахамбетова.
Бауыржан Ширмединұлы,
Сырым ауданы
zhaikpress.kz
