Қаратөбе ауданы Мұхит атындағы мектептің 11-сыныбын бітіруші түлектер қаратөбелік Талшын Мұхамедиярованың үйінде болып, көмек көрсетті.
Мектеп бітірушілердің бастамасымен әлеуметтік жағдайы төмен Талшын әжейдің жағдайын біліп, үйін, ауласын тазалауға қол ұштарын созды.
Оқушылардың ата-аналары мен мұғалімдері қастарында бірге жүріп жастарға үлгі болды.
Әжейдің үйіне ата-аналар атынан мектеп бітірушілермен бірге барған Эльмира Байғарина:
– Балаларымыздың бастамасын құп алып Талшын апамыздың үйіне келіп, көмектестік. Балаларымызды жақсылыққа, имандылыққа, адамгершілікке, қамқорлыққа тәрбиелеу біздің міндетіміз. Үлкендерді сыйлауға, көмектесуге үйренген балалар тәрбиелі болып өспек, - дейді.
Көмекке барған жастар Талшын әжейге азық-түлік пен күнделікті пайдаланатын тұрмыстық заттарды табыстады.
Тоты Есқайырова,
Қаратөбе ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер