Батыс Қазақстан облысы әкімінің өкімімен және БҚО мемлекеттік қызмет істері бойынша уәкілетті органның келісімімен ротация қағидасы аясында Батыс Қазақстан облыстық жердің пайдаланылуы мен қорғалуын бақылау басқармасының басшысы болып Есенғалиев Берік Абатұлы тағайындалды.
Есенғалиев Берік Абатұлы – 1977 жылы туған. Білімі жоғары. Батыс Қазақстан аграрлық университетін «экономист» мамандығы бойынша тәмамдаған. Экономика ғылымдарының магистрі дәрежесі бар.
Әр жылдары:
- «Құрмет» ЗЖҚ Батыс Қазақстан облыстық филиалының зейнетақы қоры жөніндегі маманы, аймақтық директоры;
- Батыс Қазақстан облысындағы түрлі кәсіпорындарда басшылық қызметте;
- Батыс Қазақстан облысы Жәнібек ауданы әкімінің орынбасары;
- Батыс Қазақстан облысы Жәнібек ауданы әкімі;
- Батыс Қазақстан облысы қаржы басқармасы басшысының орынбасары;
- Батыс Қазақстан облысы энергетика және тұрғын үй-коммуналдық шаруашылық басқармасы басшысының орынбасары;
2017 жылдан бастап Батыс Қазақстан облысы ауыл шаруашылығы басқармасының басшысы қызметін атқарды.
zhaikpress.kz
