26.07.2022, 18:41
Оқылды: 23

Қазақстанда кейбір адамдарға электрсамокат жүргізуге тыйым салынады

Елімізде электрсамокатты жүргізуге жас шектеуін енгізу мәселесі қарастырылып жатыр. Бұл туралы ІІМ Әкімшілік полиция комитеті төрағасының орынбасары Жандос Мұраталиев мәлімдеді.

0f84b4ae6db60abb24e529042b005a18_resize_w_742_h_365

 Сурет: Алматы, NEGE

- Бұл мәселе бірінші рет талқыланып отырған жоқ. Проблема әуелі Алматыда, тұрғындар мен қала қонақтары электросамокаттарды пайдалана бастағанда басталды. Осыған байланысты біз заңнамалық негізде электросамокаттың стандартын қабылдау туралы шешім қабылдадық, - деді Ішкі істер министрлігі Әкімшілік полиция комитеті төрағасының орынбасары Жандос Мұраталиев.

Спикер стандарт қабылданғаннан кейін ҚР «Жол жүрісі туралы» Заңына, Жол жүрісі қағидаларына және Қазақстан Республикасының Әкімшілік құқық бұзушылық туралы кодексіне өзгерістер енгізілетінін қосты.

Комитет басшысының орынбасары электрсамокат жүргізушілерінің міндеттері мен құқығы заңда белгіленетінін, бірақ әуелі бұл ереже жұртшылықпен талқыланатынын түсіндірді.

- Электрсамокатын жүргізу үшін жүргізуші куәлігі талап етілмейді. Жолда, жүріс бөлігінде, велосипед жолағында немесе қоғамдық көлік жолағында немесе сол жаяу жүргіншілер жолағында электрсамокат мінетін жүргізушінің жасы 16 жастан кем болмауы, сонымен қатар қараңғыда көрінуі үшін жабдықталуы міндетті болады, - деді Жандос Мұраталиев

4 шілдеде Қазақстанда электросамокаттарды пайдалану стандарты қабылданғаны белгілі болды. Енді 50 км/сағ-тан асатын скутерлерді міну үшін жүргізуші куәлігі қажет екені хабарланды.

Алматы, NEGE.

Узнайте первым о важных новостях Западного Казахстана на нашей странице
в Instagram и нашем Telegram - канале