Мемлекеттік қызметші қандай болуы керек? Әділ, қарапайым, жоғары моральдық жауапкершілікке ие, кәсіби білімді, білімін тәжірибеде қолдана білетін, адал және парасатты, белсенді өмірлік ұстанымы бар адам болуы қажет.
Бұл айтылған қасиеттердің барлығын Батыс Қазақстан облысы санитариялық-эпидемиологиялық бақылау департаментінің Жәнібек аудандық басқармасының жетекші маманы Баянсұлу Сналбекқызы Атошеваның бойынан табуға болады.
Баянсұлу Сналбекқызы 1975 жылы 9 желтоқсанда БҚО Жәнібек ауданы Жәнібек ауылында дүниеге келген.
1995-1998 жылдары Батыс Қазақстан облысындағы Медициналық колледжден санитариялық-эпидемиологиялық мамандығы бойынша білім алған.
Оқуды бітірісімен Жәнібек аудандық санитариялық-эпидемиологиялық бақылау басқармасына жетекші маман болып орналасты.
Осы жерде табаны тапжылмастан 25 жыл бойы еңбек етуде. Сонша жыл бір орында жұмыс жасау, қызметіне адалдығын көрсетсе керек.
Баянсұлу Сналбекқызы қызмет барысында өзін білікті де білімді, көркем мінезді, әдепті, лауазымдық міндеттерін үлкен жауапкершілікпен орындайтын маман ретінде көрсете білді.
Ол сонымен қатар қоғамдық жұмыстарға да белсене қатысады, салауатты өмір салтын ұстанады.
Өз міндетіне ұқыптылықпен қарап, ыждағаттылықпен орындайтын маман, қасындағы әріптестерінен де осындай қасиеттерді талап етеді. Берілген тапсырмалардың мезгілінде орындалуын, тұрғындардың өтініштері мен шағымдарының заң аясында уақытында қаралып, жауап берілуін, жоспарда көрсетілген шаралардың дер кезінде атқарылуын қадағалап, орындалуын назарынан тыс қалдырмайды. Өзі үйренуден, білмегенін сұраудан, ізденуден еш тартынған емес. Сол қасиеттерінің арқасында бүгінде биік шыңнан көрініп келеді.
Отбасының ұйытқысы, екі баланың сүйікті анасы Баянсұлу Сналбекқызы жемісті еңбегі үшін бірнеше рет аудан әкімінің, БҚО санитариялық-эпидемиологиялық бақылау департменті басшысының атынан Алғыс хаттармен марапатталды.
2022 жылы Жәнібек ауданының үздік Медицина қызметкері атанып, Құрмет тақтасына шығарылды.
БҚО санитариялық-эпидемиологиялық
бақылау департаменті
