Бүгінгі өткен арнайы оқу-жаттығуды БҚО аумақтық қорғаныс бригадасы өткізді. Әскери оқу-жаттығу жұмысын БҚО әкімінің орынбасары Бақытжан Нарымбетов қатысты. Әскери жиынға бұдан бөлек аумақтық қорғаныс бригадасының әскерилері, Ұлттық ұлан сарбаздары, полиция департаментінің арнайы жасағы, облыстық төтенше жағдайлар департаментінің жеке құрамы, медицина мамандары тартылған.
Әскери оқу-жаттығу Бәйтерек ауданында өтті. Жоспар бойынша әскерилер «Интергаз» мекемесін жаудан қорғауы тиіс. Арнайы белгіленген сценраий бойынша әрекет еткен әскерилер өздеріне берілген тапсырманы орындады. Әскерилердің жылдамдығы мен қырағылығы тексерілді. Мұндай оқу-жаттығуды мақсаты да сол. Әскерилер өздері білетін әскери дағдыны ұмытып қалмауы тиіс.
- Бүгін облыс аумағында әскери міндеттілермен оқу-жаттығу өтуде. Осымен аумақтық қорғаныс бригадасының беліленген жоспар бойынша оқу-жаттығуы аяқталады. Біздің аумақтық қорғаныс бригадасы өңірдегі маңызды нысандарды қорғайды. Бізде ондай 100 нысан бар. Бүгін сондай қорғаудағы аса маңызды нысанның бірі –«Интергаз» мекемесінің маңайында өтеді. Жоспар бойынша сыртқы күштер «Интергазға» шабул жасайды. Әскерилер нысанды қорғап қалуы керек, - дейді облыс әкімінің әскери қауіпсіздік қорғаныс мәселелері жөніндегі кеңесшісі Мақсат Мұқанов.
Бүгінгі әскери оқу-жаттығу өз мақсатына жетті дейді мамандар.
БҚО аумақтық қорғаныс бригадасы өткізген оқу-жаттығуға 100-ден аса әскери қатысты. Бірнеше әскери техника тартылды. Оқу- жаттығуды облыс әкімінің орынбасары Бақытжан Нарымбетов көрді. Оқу-жаттығу аяқталысымен аймақ басшысының орынбасары әскерилерге алғыс білдірді.
- Мұндай әскери жиындардың негізгі мақсаты запастағы әскерилердің жауынгерлік даярлығын шындау, бекітілген техника мен қару жарақты қолдану шеберлігін арттыру. Қазіргі жаһандық жағдайдағы сын-қатерлерді ескере отырып жоспар бойынша оқу-жаттығу жиындарын БҚО-да аумақтық қорғаныс бригадасының басқаруымен өткізіп отырмыз. Осы қыркүйек айында 180-нен астам адам осындай арнайы оқу-жаттығудан өтті. Мұндай ірі көлемдегі оқу-жаттығулары алдағы уақытта да ұйымдастырылады. Күні кеше ғана облыс әкімі Нариман Төреғалиевтің қатысуымен әскери қалашықтың құрылысы басталды. Бүгін әскери оқу-жаттығу жұмысына қатысып, өздеріңізге берілген тапсырманы мінсіз орындағандарыңыз үшін сіздерге алғыс айтамын, - деді БҚО Әкімінің орынбасары Бақытжан Нарымбетов.
Бүгінгі оқу жаттығуға белсенді қатысқан әскерилерді Бақытжан Хаберұлы облыс әкімінің алғысхаттарымен марапаттады.
Жанат Көшкінбай,
Фото авторы: Мәди Салық
zhaikpress.kz
