Бүгін Жаңақала ауданы орталығындағы мансап орталығында бос жұмыс орындар жәрмеңкесі өтті.
Жәрмеңкеге аудан көлеміндегі 6 мекемеден 16 бос жұмыс орындары бойынша сұраныс түсіп, сұраныс берген мекемелердің басшылары мен кадр мамандары қатысты.
Атап айтсақ, аудандық аурухананың Қызылоба, Қырқопа ауылдық округтеріне бір бірлік акушер, Мәстексай ауылына бір бірлік жалпы тәжірибелік дәрігер маманы қажет етілсе, «Алтын сақа» бөбекжайына 0,75 бірлікте музыка жетекшісі, бір бірлік психолог мамандығы талап етілетін басшының көмекшісі, Жаңақала ауылдық округі әкімшілігіне бір бірлік бағбан, аудандық жастармен жұмыс жөніндегі ресурстық орталықтың Пятимар, Қызылоба, Жаңажол, С.Меңдешев ауылдық округтерінің филиалдарына бір бірлік кеңесші маман, аудандық мәдениет, тілдерді дамыту, дене шынықтыру және спорт бөліміне бір бірлік статист маман және аудандық мәдени-демалыс орталығына қарасты 5 саябаққа бес бірлік аула сыпырушы қызметтері ұсынылды. Сондай-ақ аталмыш шарада бос жұмыс орындарымен қатар қажетті жұмыс орындарын таңдау, жастар тәжірибесінен өту, әлеуметтік жұмыс орындары мен қоғамдық жұмыстарға орналасу бойынша кеңестер берілді.
Жәрмеңке нәтижесінде жұмыс іздеуші 23 адамның 7-еуі тұрақты жұмысқа орналасты.
Айзада Ақбасова,
Жаңақала ауданы
zhaikpress.kz
