Аудандық жастармен жұмыс жөніндегі ресурстық орталығы және «Нарын жастары» жастар қоғамдық бірлестігінің қолға алуымен «Домбыра party» сауық-кеші ұйымдастырылды. 
«Күйшілер саябағында» оздырылған ән мен күй кеші өте тартымды өтті. Бұрынғы оркестр құрамында болған С.Қуаншалиев, Б.Бекеева сынды үлкендермен қатар, жас буын өкілдері Б.Әміржан, Е.Елтаевтар өз өнерлерін ортаға салды. Құрманғазы, Дина, Махамбеттің күйлерімен бірге, ескіріп бара жатырған әндер шырқалды. Кеш соңында барлық қатысушыларға қазақы нақыштағы естелік сыйлықтар табыс етілді.
М. Иранов
