Халықаралық студенттер күніне орай М.Ықсанов колледжінде Жәнібек аудандық жастармен жұмыс жөніндегі ресурстық орталығының ұйымдастырумен «Таза Қазақстан» атты жайдарман ойыны ұйымдастырылды.
Іс-шара барысында аталған колледж директорының өңдірістік оқыту ісі жөніндегі орынбасары Айдарбек Жұманиязов сөз алып, студенттерді мерекемен құттықтады. Сонымен қатар студенттік билет табысталып, Ант қабылданды.
Әрмен қарай үш кезеңнен (сәлемдесу, жамбы ату, көрініс) тұратын тартысты ойын өтті. Жайдарман ойынының қортындысы бойынша бас жүлдені «Ерекше жандар»тобы иемденсе, 1-орынды «Эко жігіттер», 2-орынды «Бірлік», 3-орынды «Күлкі витамин» командасы иеленді. Студенттерге естелік сыйлықтар, диплом мен кубок табыс етілді.
Бану Самат
Жәнібек ауданы
