Облыста жыл сайын мыңдаған маман даярлайтын төрт жоғары оқу орны, 34 колледж бар. Колледждердің он үші облыстың аудандарында орналасқан.
Өңір бойынша екі ірі жоғары оқу орнының бірі – Махамбет Өтемісов атындағы Батыс Қазақстан университетінің бакалавриатын биыл 1 764 түлек тәмамдады. Оның 648-і грант негізінде білім алған. Ал оқу орнының магистратурасын 195 түлек аяқтап отыр.
Шежірелі тарихы бар білім ордасы 78 бакалавриат, 44 магистратура бойынша жоғары білімді мамандарды даярлайды.
Ал биыл Жәңгір хан атындағы Батыс Қазақстан аграрлық-техникалық университетін 1095 түлек тәмамдаған. Оның ішінде 1014 түлек – бакалавриаттың 34 білім беру бағдарламасы бойынша, 75 түлек – магистратураның 19 білім беру бағдарламасы бойынша және алты түлек – докторантураның үш білім беру бағдарламасы бойынша маман атанды.
Айта кететін жайт, аталған ЖОО бітірген түлектердің 94-і диплом алмас бұрын қызметке орналасқан.
Суреттер Жәңгір хан атындағы Батыс Қазақстан аграрлық-техникалық университетінің әлеуметтік желідегі парақшасынан алынды
zhaikpress.kz
