Батыс Қазақстан облысына ҚР Қарулы Күштері Бас штабының аумақтық қорғаныс департаментінің бастығы, полковник Ризат Колпашев жұмыс сапарымен келді.
Сапардың негізгі мақсаты облыста аумақтық қорғаныс бойынша іс-шаралардың өткізілуімен таныстыру болды.
Облыс әкімдігінде облыс әкімінің бірінші орынбасары М.Манкеев пен Бас штабтың аумақтық қорғаныс департаментінің бастығы Р. Колпашевтің кездесуі өтті.
Кездесу барысында облыстағы аумақтық қорғанысты жетілдіру мәселелері талқыланды. Кездесуге қатысушылар осы бағытта жүргізіліп жатқан жұмыстардың стратегиялық маңыздылығын атап өтті.
Кездесу өңірдегі аумақтық қорғанысты дамытудың нақты жоспарларын қараумен жалғасты.
zhaikpress.kz
