Бүгін «Подстепный-Меловые горки» тас жолының 4-шақырымында 30 жастағы жүргізушінің басқаруындағы «Volvo» автокөлігі мен 23 жастағы жүргізушінің басқаруындағы «Volkswagen» автокөлігі соқтығысты.
БҚО Полиция департаменті баспасөз қызметінің хабарлауынша, жеңіл көліктің 1972 жылы туған жолаушысы оқиға орнында көз жұмды. Ауруханаға 3 адам жеткізілді.
Қазіргі уақытта ҚР ҚК 345-бабы 3-бөлігімен сотқа дейінгі тергеу амалдары басталды.
Барлық тиісті сараптамалар тағайындалды.
zhaikpress.kz
