Бұл туралы Орал қаласы әкімдігінің instagram парақшасында жазылды.
Фото: видеодан кадр
Оралдық еріктілер ардагерлердің ауласын қардан тазалауды жалғастырып жатыр.
Синоптиктердің мәліметінше, биыл қаңтар айында қалаға қар әдеттегіден көп түскен. Осы ретте қалалық жастармен жұмыс жөніндегі ресурстық орталықтың еріктілері университет, колледж студенттерімен бірлесіп, қамкөңіл қарияларға көмек қолын созды.
Бұл жолы аталған орталықтың еріктілері мен жоғары инженерлік-технологиялық колледждің студенттері Сейфуллин көшесі, 68 мекенжайында тұратын ардагерге барды. Үй іргесін қардан тазалап, қолғабыс етті. Үй иесі көмекке келген жастарға алғыс айтып, батасын берді.
Айта кетейік, еріктілердің көмегі бір күндік жұмыспен шектелмейді. Олар алдағы уақытта өзге де зейнеткерлердің үйіне ат басын бұрып, қар тазалауға жәрдемдеседі.
zhaikpress.kz
