Мәдениет, спорт, туризм және ақпарат қызметкерлері cалалық кәсіподақ кеңесінің арнайы отырысында онлайн режимінде «Күшті бастауыш – мықты кәсіподақ» республикалық байқаудың 2-ші кезеңінің қорытындысы белгілі болды.
Нәтижесінде «Саланың үздік филиалы» аталымы бойынша Батыс Қазақстан облысы мәдениет, спорт және ақпарат саласы қызметкерлерінің салалық кәсіподақ ұйымы үздік үштіктен көрініп, 2-орынға ие болды. «Үздік бастауыш кәсіподақ ұйымы» аталымы бойынша «Хамза Есенжанов атындағы Батыс Қазақстан облыстық балалар және жасөспірімдер кітапханасы» КММ (Батыс Қазақстан облыстық филиалы) үздік болып танылды.
Сондай-ақ «Үздік жастар көшбасшысы» аталымы бойынша үздіктер арасында марапатталды:
- Мария Васильевна Сапрыкина Хамза Есенжанов атындағы облыстық балалар мен жасөспірімдер кітапханасының 1-ші санатты кітапханашысы, Орал қ.;
- Аида Талгатовна Шынжирова – сектор меңгерушісі, “Орал қалалық мәдениет және тілдерді дамыту бөлімінің “Жастар мәдениет үйі” МКҚК секторы, «Салтанат сарайы».
Барлық номинациялар бойынша жеңімпаздар байқаудың арнайы дипломдарымен, сондай-ақ естелік сыйлықтармен марапатталады. Жеңімпаздар мен олардың кәсіби және кәсіподақ жетістіктері туралы барлық ақпарат саланың және Қазақстан Республикасы Кәсіподақтар федерациясының ақпараттық ресурстарында жарияланатын болады.
«БҚО Кәсіподақтар орталығы» АКБ