Тасқала ауданына қарасты Қазақстан ауылдық округіндегі №339 сайлау учаскесінде денсаулық саласының ардагері Тұрсын Қадыралиева 100-ші болып дауыс берді. Өз таңдауын жасаған Тұрсын ханымға комиссия төрағасы Арман Тұрымбетов естелік сыйлық табыстады.
Сондай-ақ, дауыс берушілер сайлауға отбасымен және ұжым болып келіп жатыр. Олардың қатарында мәдениет қызметкерлері де бар.
- Біз, ауылдық мәдениет үйінің қызметкерлері ұжымымызбен келіп өз таңдауымызды жасадық. Өйткені, ауылдың болашағы бізді де алаңдатады. Кандидаттар қатары жастардан тұратындықтан, болашақ әкім ауыл экономикасы мен мәденетінің дамуына өз үлесін қосады деп сенеміз. Себебі елдің ертеңі жастардың қолында- дейді мәдениет үйінің директоры Светлана Дарменова.
Назгүл Серікқызы
Тасқала ауданы
