Бәйтерек аудандық орталықтандырылған кітапханалар жүйесі, Чеботарев ауылдық кітапханасында «Оқы, талқыла, сурет сал» жобасы аясындағы «Бір кітап - бір сурет» атты сурет сайысы өтті.
Шараның мақсаты - оқырманды кітап оқумен қатар, оқыған шығармалары туралы өз ойларын сурет туындылары арқылы жеткізуіне мүмкіндік беру, олардың өнер туындыларын оқырмандар арасында кеңінен насихаттау болды.
Іс-шара барысында сайысқа қатысушы Михаил Агапов, Санжар Куаныш, Жібек Мухамбетова сынды оқырмандар Бердібек Соқпақбаевтың «Жекпе-жек», Толымбек Әбдірайымның «Алабұға алауған күн» шығармаларын оқып, қиял әлемінде көрініс берген әдемі бейнені қылқаламмен қағаз бетіне түсірді.
Іс-шара соңында сайысқа қатысқан балалар кітапхана атынан әзірленген арнайы сыйлықтарды иеленді.
Альбина Бәтенова,
Бәйтерек ауданы
zhaikpress.kz
