Ұлыстың ұлы күні Наурыз мерекесіне орай Сырым аудандық жастармен жұмыс жөніндегі ресурстық орталығы күре жолдың бойында орналасқан, өзге ұлт өкілдері тоқтайтын тамақтану орындары мен жанармай бекеттерін аралады.
Жастар аудан қонақтарына шағын сый-сияпат үлестіріп, ауылдың алты ауызын шырқап, мейраммен құттықтады. Ұлыстың ұлы күні тойланбаса да, тосыннан кіріп келіп, думанға бөлеп, мерекелік көңіл күй сыйлаған жастарға жанармай бекеттері мен қоғамдық тамақтандыру орындарының қызметкерлері, шетелдіктер риза болып, алғысын білдірді.
Шынар Молданиязова,
Сырым ауданы
zhaikpress.kz
