Ақжайық ауданының орталығында – Чапаевтағы Республика және Хамза Есенжанов көшелерінің жолы жаңарады. Оны оралдық мердігер «Астрадор» ЖШС өз міндетіне алып отыр. Қазір жұмыс басталды. Ұзындығы 2,8 километр болатын жұмысқа 221 млн.теңге бөлінді. Орал – Атырау жолынан Чапаевқа кірме жолдың жөнделетіні жұртты ерекше қуантып отыр. Германдық «WIBTGEN» машинасы ескі жол бетін 10 см. тереңдікте сылып алуда. Күрделі жөндеудің сапалы боларына бір кепіл осы.
– Қазір 12 адам жұмыс жасауда. Болашақта 20 шақты жұмысшылар болады, - дейді учаске басшысы Николай Щегиов. - 4 «КамАЗ» да тоқтаусыз жүруде.
Ал Тайпақ ауылында оралдық “АСФА” ЖШС 1,6 километр жолды орташа жөндеуге кірісті.
Бекем БЕКҰЛЫ
Ақжайық ауданы