Елбасымыз Н.Ә.Назарбаевтың бастамасымен 2005 жылдан қанат жайған "Жасыл ел" бағдарламасы бойынша қам-қарекет Ақжайық ауданында да аз емес.
Тайпақ орман және жануарлар дүниесін қорғау жөніндегі мемлекеттік мекемесінде биылғы бұл кезең салтанатты жағдайда басталды. Бұл мекемеде 50 студент 2 кезеңде, шілде-тамыз айларында бағдарламаға қатысып, елдімекендерде жасыл желектің жайқалуына өздерінің үлестерін қосады. «Жасыл ел» сарбаздарының жұмысын қадағалау орманшаруашылық инженері Айгүл Берікқызына тапсырылды. Қыз-жігіттер қазір Тайпақ орман бөлімшесіндегі тұқым бағының 3 гектар тынабына және Степной бөлімшесіндегі екпелерге күтім жасап, зерттеу жұмыстарын жүргізуде. Алдағы күндерде Алмалы, Қарауылтөбе орман бөлімшелеріне барып, екпе көшеттерін тазарту, өсуін бақылау жұмыстары жүргізіледі.
Бекем БЕКҰЛЫ
Ақжайық ауданы