Қайырымдылық айлығы аясында Жаңақала ауданының әкімі Л.Хайретдинов ауданның қазыналы қарттарымен кездесті. Емен-жарқын әңгімелесумен, салиқалы сұхбатпен өрілген алқалы жиында аудан басшысы Елбасының саясатымен, еліміздің, ауданымыздың тынысындағы жаңалықтармен бөлісті. Әр ауылдық округтен, елді мекеннен келген қариялар ауданның әлеуметтік-экономикалық дамуын өрістетуге қатысты пікірлерін ашық білдіріп, көкейіндегі мазалап жүрген ойларын жеткізді.
Қариялар аудан басшысына алғыстарын білдіріп, әрдайым ақыл-кеңестерін беріп, қолдау көрсететіндіктерін жеткізді.
Жиын барысында аудан басшысы әр салада еңбек еткен қарияларды 6 ай газетке жаздырып, естелік сыйлықтар табыстады.
Сондай-ақ, жиында жергілікті өнерпаздар ән айтып, күй тартып жиналғандардың көңілін көтерді.
Н.ЕСЕТОВА
Жаңақала ауданы