Жақында, Тасқала жерінде халықаралық дәрежедегі төреші, ҚСРО спорт шебері Қ.Баймағамбетовтың жүлдесіне арналған дзюдо күресінен жасөспірімдер арасында облыстық ашық турнир өтіп, оған жер-жерден сегіз команда қатысып, спортшылар қызықты да тартысты ойын көрсете білді.
Турнирде 60 келілік салмақ дәрежесіндегі спортшылар арасында жерлесіміз Диас Искалиев І-ші орын, Нұрхат Қалдыбаев (26 кг)-ІІ орын, Нұрдаулет Кулов (29 кг) және Рахат Қалдыбаев (55 кг) -ІІІ орындарды иеленіп, жеңіспен оралды. Жерлестері оларды баптап-баулыған аудандық балалар және жасөспірімдер спорт мектебінің жаттықтырушысы Бағдат Сариевке дән риза. Лайым, жеңісіміз көп болсын!
А.Муса
