Тәуелсіздік күніне орай «Менің елім - мәңгілік ел» атты облыстық жастар форумы өтті.
- Бүгінгі форумның мақсаты - жаңа жаһандық жағдайда елімізді дамыта түсу үшін жастардың жігер-қуатын біріктіру. Сіздер - жаңа Қазақстанның алғашқы буынысыздар. Бүгінде тәуелсіздіктің құрдастары мектепті бітіріп, жоғары оқу орнын тәмамдады. Маман болып, өмірге толығымен араласты. Құндылықтарды ұлықтай білу - әрбір жастың, баршамыздың жауапкершілігіміз. Біздің тарихымыз бірігудің тарихы екенін әрдайым есте сақтау керек.
Облысымыздағы жастардың саны 150 мыңға жетті. Білім, мәдениет, өнер, спорт, бизнес, басқа да түрлі салада жастар өздерінің орнын тауып қана қоймай, өңіріміздің абыройын асқақтатып жүр. Еліміздің тәуелсіздігі тұғырлы да баянды болсын! - деген облыстық жастар саясаты мәселелері басқармасының басшысы Азамат Айтуев мереке қарсаңында бірқатар белсенді мектеп оқушыларына ҚР азаматтығын растайтын жеке куәлік табыс етті.
Сахна төріне әр түрлі салада белсенділік танытып жүрген үлгілі жастар - форум делегаттары көтерілді. Олар облыс жастарын Тәуелсіздік күнімен құттықтап, игі тілектерін арнады. Форум барысы жергілікті жас өнерпаздардың ән-биімен өрілді.
Нұртас НАБИОЛЛАҰЛЫ
«Орал өңірі»